QHICHWA SIMITA UYWARISPA Qhichwa simita, kastilla simitawanqa mana kikillantachu tukuy kitinpi parlarinku nitaq kikillantachu chanincharinku.

Abstract

Llaqtapiqa qhichwa simita uywarinku, qhichwa simiqa llaqtapi astawan parlachka simi kachkan, ñaraq awichukuna, tatakuna, mamakuna, sipaskuna, waynuchukuna, wawakuna ima qhichwa simillapipuni astawanqa parlarinku. Llaqtapiqa qhichwa simi kastilla simita atiparin, kay llaqtaman runaptaqa qhichwa simi mama siminku kachkan, Kay llaqtamanta runaqa wak llaqtaman runallawan kastilla simipi parlarinku, paypuraqa qhichwa simitapuni uywarinku. Yachaywasipiqa kastilla simita uywarinku, kay kitinpiqa kastilla simi qhichwa simita allinta atiparin, nitaq llaqtapijinachu. Yachakuqkunap, yachachiqkunap mama siminqa qhichwa simi kachkanpi, jinapis mana qhichwa simipi anchatachu parlanku, mana chayqa kastilla simillata astawan parlarinku, chayraykutaq yachaywasipiqa kastilla simillapi astawan parlakun. Yachakuqkunaqa yachachiqkuna kastilla simillapi parlariptinku kastilla simillata parlariyta munanku, chayraykutaq yachaywasipiqa kastilla simi astawan yupaychasqa kachkan, qhichwa simitaq ch’inyapun.