Please use this identifier to cite or link to this item: http://hdl.handle.net/123456789/4309
Title: Anzaldo llaqta ukhupi qhichwa simip kawsaynin
Authors: Ayaviri Correa, Jose Daniel
Keywords: QHICHWA SIMIP KAWSAYNIN
QHICHWA SIMIP ITHIYNIN
SIMI TINKUY
ISKAYSIMIW
URPASIMI
QHICHWA SIMITA KALLPACHAY
QHICHWAÑUL
Issue Date: 7-Dec-2015
Abstract: Kay llamk’aypiqa qhichwa simip kawsayninta llaqsimikamay ñawiwan k’uskipakun. Chantapis ‘kawsay riqsichina ñanpi’ atiykukun; payniqta kikin siminkumanta, kikin kitipi kasqantajina willayqa tantakurqa. Qhawapay, aswakisqa tapuy, junt’asqa tapuy ima kimsa mita qutupi ruwakurqa: wawakuna, wayna-sipaskuna, kuraqkuna ima. Chantapis, runaman kicharisqa kitikunata jap’ikurqa: kallipi, kanchapi, qutuchakuypi, tallirpi, wasi raymikunapi ima qhawapakurqa. Kay k’uskipayqa Anzaldo llaqta ukhupi ruwakun. Kunan-kunanpitaq kay llaqtapiqa qhichwa simipis kawsachkantaq, kastillanu simipis kawsachkantaq, iskaynin simipuraypi tarikunku. Runaqa iskaynintapuni kawsachiyta munan; manam qhichwa sapallanta, manataq kastillanu sapallantaqa kawsachiyta munankuchu. Jinapis, kay simi tinkuypiqa qhichwa simiqa ithiyta qallarichkan. Chaypaqtaq –Anzaldo runap qhawarisqanmanjinaqa– phichqa ruway juchayuq kanku: (1) wawaqa kastillanullamanña t’uqyapunku; (2) yachaywasipiqa kastillanulla kallpachakun; (3) mitmapuyniqta kastillanuqa qhichwaman patanchakun; (4) istitusyunkunaqa kastillanu simillapipuni qupuchkanku; (5) ruwapayayniqta-t’iqsichayniqta qhichwa unquy jamuchkan. Jinallataq, Anzaldo runaqa chaqrusqa qhichwata parlasqantaqa sut’ita jap’in, manam pakanchu; jinapis, ch’uwa qhichwata yachakuytaqa muq’inmi. Chantapis, qillqaypiqa ch’uwatapuni qillqakunanta munan. Kay k’uskipaypiqa, qhichwa simiqa manam q’upajinachu qhawakun; runajina kawsayniyuqmi musyakun. Ichaqa, simiqa manam sapallanmantachu kawsan, runaniqta kawsan. Chaytaq, simimanqa mikhuchina tiyan; paypaqqa achkha laya mikhuyqa tiyan: takiy, away, wayk’uy, llut’ay, wakkuna ima. Ichaqa, simiqa iskay mikhuyta astawan muq’irin: parlaytawan qillqaytawan ima astawan misk’irichikun. Jinamanta, qhichwata kallpachayta munaspaqa achkhata parlana tiyan, takina tiyan; chantapis qillqayta atillanchiktaq.
Description: Trabajo en idioma originario en idioma quechua de la Maestría en sociolingüística correo: josdan_anz@hotmail.com
URI: http://hdl.handle.net/123456789/4309
Appears in Collections:3.- Trabajos de grado de Maestría

Files in This Item:
File Description SizeFormat 
Tesis Jose Daniel Ayaviri.pdf3.9 MBAdobe PDFView/Open    Request a copy


Items in DSpace are protected by copyright, with all rights reserved, unless otherwise indicated.